Elon Musk e ka vendosur veten në krye të pionerëve që ditët e fundit po bëjnë thirrje për të fshirë abonimet e Netflix-in nga televizorët dhe pajisjet e tjera shtëpiake. Arsyeja? Transmetimi në platformë i një seriali vizatimorë për fëmijë, që sipas miliarderit amerikan promovon transgjinorët tek të miturit. Musk, personi më i pasur në botë me një pasuri që pak ditë më parë u raportua se tejkaloi 500 miliardë dollarët, ka nxitur vazhdimisht 227 milionë ndjekësit e tij në X, që të anulojnë abonimet e tyre. Vetëm në tre ditët e fundit, ai ka postuar ose ripostuar thirrje për të anuluar Netflix për përmbajtjen e tij të paktën 26 herë. Tërbimi i Musk kundër Netflix filloi të martën, kur ai shpërndau një koment që dënonte serialin “Dead End: Paranormal Park”, ku personazhi kryesor, Barney thotë se është transgjinor. Netflix e këshillon këtë film për moshën 7 vjeç e lart. Musk akuzon Netflix se është bërë pjesë e një axhende për shpëlarë trurin e fëmijëve me filma dhe seriale me përmbajtje që promovojnë LGBT.