Pas propozimeve të Partisë Socialiste dhe të Partisë Demkratike për qarqet ku kërkojnë të zbatohet projekti pilot për votimin dhe numërimin elektronik të zgjedhësve, në Komisionin Qëndror të Zgjedhjeve kanë mbërritur edhe sugjerimet e dy subjekteve të tjera politike, LSI-së dhe Bindjes Demokratike. Në shkresën zyrtare drejtuar komsionerit shteteror të zgjedhjeve, LSI e drejtuar nga Monika Kryemadhi sugjeron që votimi përmes teknologjisë së informacionit të zbatohet në qarqet e Korçes dhe te Fierit. Ndërsa Bindja Demoratike me kryetar Astrit Patozin ka propozuar që votimi elektronik në zgjedhjet parlamentare të 25 prillit të zbatohet në qarkun e Tiranës. Një ditë më parë në KQZ mbërriti edhe shkresa e PD, ku partia më e madhe e opozitës ka propozuiar të njejtat qarqe si LSI, Korçën dhe Fierin. Ndërsa PS në shkresën dërguar KQZ, u shpreh pjesërisht dakord me propozimin e demokratëve, ku sugjerojnë zbtimin e projektit elektronik të zgjedhësve në qarkun e Korçës, por jo në Fier. Qarku tjetër sipas PS ku duhet të aplikohet kjo formë e re votimi dhe numërimi të jetë Tirana, sugjerim që e ka bërë edhe Bindja Demokratike. Komisioneri Shtetëror i Zgjedheve Ilirjan Celibashi u dërgoi një letër zyrtare 8 partive politike në vend ku theksoi se projekti pilot për teknologjinë në zgjedhje do zbatohet në 20% të zonave. Ai kërkoi nga partitë politike propozimet e tyre se në cilat qarqe mund të zbatohet teknologija në zgjedhje, pasi për të vendosur do duhet konsensusi i palëve politike.