Ministri i Drejtësisë, Ulsi Manja dorëzoi në Kryeministri draftin përfundimtar të amnistisë penale, nga i cili do të përfitojnë rreth 620 të dënuar për të cilët ka një vendim të marrë nga gjykata deri më 30 nëntor. Në këtë draft janë reflektuar rekomandimet e SPAK, KLGJ dhe Prokurorisë së Përgjithshme. Me këtë ligj do të përjashtohen nga vuajtja e dënimit dhe ndjekja penale, tërësisht ose pjesërisht, të gjithë personat që plotësojnë kriteret. Sipas dokumentet, përjashtohen nga ndjekja penale të gjitha çështjet penale në hetim, çështjet e pashqyrtuara ose në proces shqyrtimi nga gjykatat, si dhe kallëzimet që ndodhen në këto organe për veprat penale për të cilat Kodi Penal dhe Kodit Penal Ushtarak parashikon një dënim me burgim në maksimum deri në 2 vjet ose çdo lloj dënimi tjetër më të butë. Personat të cilët i janë shmangur drejtësisë nuk përfitojnë nga ky nen.