Konfindustria ka shprehur shqetësimin për rritjen e ndjeshme të deficitit të parashikuar në projektbuxhetin 2021, duke krijuar dukshëm një buxhet me natyrë të qartë zgjedhore. Përmes një deklarate per mediat, administratori i pergjithshem i konfindustrisë Gjergj Buxhuku thote se Borxhi i ri i parashikuar në projektbuxhetin e paraqitur nga qeveria është në nivelet e 580 milion euro, që përbën 4.2% të të ardhurave të pritshme në vitin financiar 2021. Sipas konfindustrisë rritja e ndjeshme e të ardhurave të parashikuara në buxhetin e vitit 2021 është më optimiste, sesa mundësitë reale të ekonomisë shqiptare. Kjo pasi ekonomia shqiptare në vitin financiar në vazhdim po vuaj pasojat e tërmetit të nëntorit 2019 dhe masat kundër Covid 19 dhe parashikohet nga vlerësimet e institucioneve ndërkombëtare të ketë një rënie nga 6-9% të PPB krahasuar me vitin pararendës, duke e patur praktikisht të pamundur realizimin e të ardhurave të parashikuara në Projekbuxhetin e 2021. “Borxhi publik i Shqipërisë pranuar nga qeveria ka kapur nivelin e 80% të PPB dhe nëse do të vlerësohen të gjitha detyrimet reale si detyrimet e PPP, të TVSH , të tretëve dhe penalitetet e Gjykatave Ndërkombëtare, etj. deri në fund të vitit 2020 me shumë mundësi tejkalon nivelin 100% të PPB”, thuhet ne deklaraten e administratorit te pergjithshem te konfindustrise.