Komisioni Parlamentar i Ekonomisë ka miratuar në parim projektbuxhetin e vitit 2021. Drafti më i rëndësishëm i financave publike do të shqyrtohet në seancën plenare të së enjtes, për t’u rikthyer më pas për diskutim në Komisionin e Posaçëm të Ekonomisë. Deputetët e këtij komisioni do të shqyrtojnë të gjitha kërkesat e depozituara nga komisionet e tjera për shtesa apo rialokime fondesh të bëra nga ministritë e linjës apo institucionet gjatë diskutimeve ne seancat dëgjimore të zhvilluara deri më tani. Menaxhimi i pandemisë Covid-19, rindërtimi dhe rimëkëmbja ekonomike janë edhe disa nga prioritetet kyçe të projektbuxhetit të vitit të ardhshëm, i cili parashikon një rritje ekonomike prej 5.5%. Grupet e inteesit dhe specialistet që kanë analizuar projekbuxhetin e ri, kanë shprehur dyshime për shtyllat kryesore të tij, duke u shprehur se në shumë aspekte ai i ngjan një buxheti elektoral, pasi shumë fonde janë të papërcaktuar se ku do të përdoren.