Vlerësimet e inteligjencës amerikane tregojnë se koha që Iranit do t'i duhej për të ndërtuar një armë bërthamore nuk ka ndryshuar që nga vera e kaluar, kur analistët vlerësuan se një sulm i SHBA-së dhe Izraelit e kishte shtyrë afatin kohor deri në një vit, sipas tre burimeve të njohura me çështjen. Vlerësimet e programit bërthamor të Teheranit mbeten kryesisht të pandryshuara edhe pas dy muajsh të një lufte që Presidenti amerikan Donald Trump e nisi pjesërisht për të ndaluar Republikën Islamike të zhvillonte një bombë bërthamore. Sulmet e fundit të SHBA-së dhe Izraelit që filluan më 28 shkurt janë përqendruar në objektiva ushtarake konvencionale, por Izraeli ka goditur një numër të madh objektesh të rëndësishme bërthamore. Afati kohor i pandryshuar sugjeron se pengimi i programit bërthamor të Teheranit mund të kërkojë shkatërrimin ose heqjen e rezervave të mbetura të uraniumit të pasuruar të Iranit. Agjencia Ndërkombëtare e Energjisë Atomike vlerëson se rezervat totale të Uraniumit të pasuruar që ka Irani do të ishin të mjaftueshme për 10 bomba nëse do të pasuroheshin më tej.