Ish-kryetari i Parlamentit dhe një nga drejtuesit kryesorë të Partisë Socialiste në vitet e para të saj pas ndryshimit të emrit, Servet Pëllumbi njihej në radhët e të majtëve si profesori i tyre. Me urtësinë që e karakterizoi përgjatë gjithë jetës së tij aktive në politikë, Servet Pëllumbi është zëri i arsyes në kohën e trazirave të mëdha në vend, sidomos në vitet 1997-1998. Detyra e tij më e rëndësishme shtetërore ishte ajo në periudhën 2002–2005 si kryetar i Kuvendit, të kontrolluar nga vetë socialistët, por në vitet e tyre të fundit përpara se të dilnin opozitë. Servet Pëllumbi lindi në Korçë dhe pas viteve ’90, u zgjodh deputet në vendlindje. Ai ka kryer studimet e larta në Universitetin e Petersburgut në Rusi ku dhe mori titullin doktor i shkencave në Letërsi. Nga viti 1960–1963, ëllumbi ka qenë pedagog në Institutin Pedagogjik në Korçë, teksa për gati tre vjet ka qenë pedagog në Universitetin e Tiranës.