Bujqësia ka pasur efekt negativ në ekonominë shqiptare gjatë vitit 2025, sipas të dhënave të INSTAT. Sektori, që tradicionalisht konsiderohet një nga shtyllat kryesore të ekonomisë, ka shfaqur shenja ngadalësimi në disa prej produkteve më të rëndësishme bujqësore. Të dhënat tregojnë se prodhimi ka rënë te gruri, pemët frutore, ullinjtë dhe aktiviteti në sera. Në të kundërt, rritje është shënuar te perimet e njoma dhe bimët medicinale. Por pavarësisht kësaj rritjeje, perimet vijojnë të mbajnë peshën kryesore në prodhimin bujqësor. Pjesa më e madhe e prodhimit vjen nga qarqet Fier, Tiranë dhe Berat. Rënie është evidentuar edhe te pemët frutore, ku Korça mbetet qarku me prodhimin më të lartë. Edhe prodhimi i ullinjve ka shënuar ulje krahasuar me vitin paraardhës, megjithëse Fieri, Elbasani, Berati dhe Vlora vazhdojnë të dominojnë kultivimin e tyre. Të dhënat e INSTAT tregojnë se, pavarësisht rritjes në disa kultura bujqësore, dobësimi i prodhimit në sektorë të rëndësishëm ka bërë që bujqësia të ketë një ndikim negativ në ecurinë e ekonomisë gjatë vitit 2025.