NATO-ja do të bëjë gjithcka cfarë mundet që Finlanda dhe Suedia të kalojnë përmes një procesi të përshpejtuar anëtarësimi, tha për DË zëvendëssekretari i përgjithshëm i NATO-s Mircea Geoana. Sipas tij Finlanda dhe Suedia janë tashmë dy nga partneret më të afërta të NATO-s. "Nuk ka nevojë të përmendet procesi i shkëlqyer demokratik, aftësitë e nivelit të lartë të ushtrive të këtyre vendeve si dhe fakti që të dyja vendet kanë një nivel shumë të lartë ndërveprimi me NATO-n. Ato do t'i shtonin vlerë sigurisë së tyre, sigurisë sonë dhe në përgjithësi sigurisë së komunitetin transatlantik”, tha ai. Kryeministrja suedeze, Magdalena Andersson, do të kërkojë në parlament sot mbështetje të gjerë për kërkesën për t'u anëtarësuar në NATO dhe ajo është e bindur se ka mbështetje të gjerë parlamentare për këtë. Ndërkohë që të dielën, fqinji dhe aleati i ngushtë i Suedisë Finlanda konfirmoi zyrtarisht se do të bënte kërkesë për anëtarësim në NATO.