Policia e Tiranës ka proceduar penalisht 11 protestues lidhur me tubimet e zhvilluara më datat 22 dhe 23 qershor. Mosha e të akuzuarve është nga 26 deri në 55-vjeç, ndërsa ndaj tyre rëndon vepra penale Pengimi I qarkullimi të mjeteve të transportit. Nga veprimet hetimore dyshohet se këta persona, sipas policisë, kanë orientuar dhe zhvilluar tubimin në zona të ndryshme prej atyre të njoftuara zyrtarisht, konkretisht në: kryqëzimin e rrugës “Urani Pano” me bulevardin “Zogu I”; kryqëzimin e rrugës “Ibrahim Rugova” me Rrugën e Kavajës; si dhe në kryqëzimin e rrugës “Ibrahim Rugova” me bulevardin “Gjergj Fishta”. Si pasojë, thotë policia, në këto akse me fluks të lartë lëvizjeje të automjeteve dhe qytetarëve, është penguar lëvizja. Deri më tani janë proceduar një numër I madh protestuesish. Ndërkohë materialet procedurale iu referuan Prokurorisë së Tiranës, për veprime të mëtejshme.