Pas bllokimit të aksit rrugor në drejtim të Aeroportit Ndërkombëtar Nënë Tereza nga ana e protestuesve në ditën e 15 të tubimit, policia ka njoftuar se ka proceduar penalisht 19 persona. Ata janë të moshës nga 20 deri në 57-vjeç ndërsa akuzohen për veprat penale “Pengimi i qarkullimit të mjeteve të transportit”, “Organizimi dhe pjesëmarrja në grumbullime të paligjshme” dhe “Prishja e rendit dhe qetësisë publike”. Tubimi sipas policisë ishte thirrur para Kryeministrisë dhe do të zgjaste nga ora 18 deri më 22 por disa nga organizatorët bën thirrje për vazhdimin e lëvizjes së pjesëmarrësve në drejtim të Aeroportit Ndërkombëtar “Nënë Tereza”, në Rinas, duke bllokuar qarkullimin e mjeteve dhe lëvizjen e qytetarëve në këtë aks rrugor.