Kreu I grupit Parlamentar I Partisë Demokratike, Gazment Bardhi I ka bërë thirrje prokurorisë së Tiranës që të ndërhyjë e të ndalojë policinë që sipas tij po procedon vazhdimisht protestuesit me qëllimin e vetëm që t’u bëj atyre presion që të mos dalin në më shesh. Në një reagim në rrjetet sociale, Bardhi e quan këtë rast të paprecedentë. Procedimi i vazhdueshëm i protestuesve nga Policia e Shtetit, është një keqpërdorim i paprecedentë politik i organeve ligjzbatuese. Ky akt ka si qëllim frikësimin e qytetarëve dhe cenimin e të drejtës së tyre kushtetuese për të protestuar paqësisht. Është e njohur botërisht që protesta qytetare prej 19 ditësh është zhvilluar në mënyrë paqësore dhe në përputhje të plotë me ligjin. Edhe kur janë provokuar nga Policia, në asnjë rast reagimi qytetar nuk ka tejkaluar ligjin. Metoda të tilla frikësimi ndaj qytetarëve janë të denja për vendet autoritare.