Tentativa e tretë e Fredi Belerit për të kryesuar Himarën nuk u finalizua për shkak të provave që e implikojnë në shit blerje votash. Paradoksalisht teksa gjykata nuk ka dalë ende në një vendim të formës së prerë, mbrojtjen publike të Belerit e kryen Sali Berisha, ish president i vendit në vitin 1994, kohë kur për Masakrën e Peshkëpisë një ndër të akuzuarit ishte pikërisht Fredi Beleri. Në vitin 2015, kur dekriminalizimi nuk ishte miratuar akoma, Beleri kandidoi nën siglën e PBDNJ-së për kryetar bashkie i Himarës, por asokohet përgjigjia e himariotëve erdhi me votë dhe nuk arriti të rezultonte fitues përballë kandidatit socialist Jorgo Goro. Tentativa e dytë e Belerit në vitin 2019 për të garuar në Bashkinë e Himarës, u mbyll me një vendim refuzues të Komisionit Qëndror të Zgjedhjeve për shkak të dekriminalizimit.