Në seancën e kësaj të hëne të gjyqit në themel në dosjen Partizani, dëshmoi ish ministri i Ekonomisë në qeverinë Berisha, Genc Ruli. Në kohën e privatizimit të kompleksit sportive, ministria e drejtuar nga Genc Ruli ka pasur një rol qendror. I pyetur nga SPAK, ish ministri tha se identifikimi i pronave shtetërore dhe privatizimi i tyre ishte një politikë qeveritare, që synonte t’u rikthente ish pronarëve pronat e tyre. ‘PD kishte marrë detyrimin që gjatë proceseve te privatizimit, do shikoheshin ngushtësisht interesat e pronarëve të cilëve ku prona e tyre ishte prona shtetërore, apo nga pale të tjera. Ne patëm synimin që t’i japim të drejtën e parablerjes pronarëve”, tha ai. Ruli deklaroi se ishte në dijeni të kërkesës së pronarëve për ish kompleksin dhe kur ka nisur procesi shtoi se e ka njoftuar dy herë Albert Xhanin, në atë kohë President i Partizanit, se procesi do të përfundonte në favor t ëish pronarëve.