Propozimi i socialistëve për ndryshimin e ligjit për AKSHIN, u prit me skepticizëm nga opozita, pasi vjen në një moment kur drejtuesja e këtij institucioni dha dorëheqjen për shkak të hetimeve për abuzime me tenderat. Nismëtari Erjon Malaj propozoi ndryshimin e mënyrës së organizimit duke krijuar shoqeri operative ku të paktën 51 për qind e kuotave i ka AKSHI dhe pjesën tjetër privati. “Ky model i ri nuk transferon pronësinë mbi të dhënat dhe infrastrukturën, por mundëson një menaxhim më efikas dhe fleksibël të shërbimeve digjitale. Të dhënat dhe sistemet mbeten shtetërore, dhe shoqëritë operatore veprojnë sipas protokolleve të sigurisë të përcaktuara nga AKShI” “Shyqyr qe iku ajo drejtoresha e AKSHIT dhe si duket ajo e ka lene kete model. Nje nga vjedhjet me te medha qe ka ndodhur ne kete vend eshte AKSHI, baterdia me e madhe eshte AKSHI. Kush ka garanci per privatin? Ca po ndodh ketu? Per mua jeni duke bere ligjerimin e akteve korruptive. Deputetja e Partisë Demokratike, Jorida Tabaku ngriti shqetësime për sigurinë e të dhënave personale të qytetarëve shqiptarë nëse pjesë e administrimit bëhen edhe kompani private.