Me qindra e mijëra trupa izraelite, përfshirë rreth 300 mijë rezervistë, janë vendosur tashmë në kufijtë e gazës për atë që do të ishte një sulm tokësor mbi enklavë. Asnjë vendim nukd ëhstë marrë ende për pushtim, por ne po përgatitemi për këtë – tha një zëdhënës i ushtrisë. Sulmet ajrore gjatë natës së shkuar, kishin ndërkohë në fokus forcën Nukhba të Hamasit, që edhe udhëhoqi sulmin e të shtunës. Militantë palestinezë vazhdojnë ndërkohë të përpiqen të hyjnë në izrael, nga deti dhe ushtria po vazhdon të punojë për të siguruar rrethimin e gazës – tha zëdhënësi i ushtrisë. Media e hamasit tha se 15 palestinezë ishin vrarë dhe disa të tjerë ishin plagosur në sulmet më të fundit ajrore. Dëshmitarët raportuan se avionët izraelitë kishin bombarduar ashpër qytetin e gazës dhe autoritetet raportuan sulm nga ajri edhe në kampin e refugjatëve Jabalia në gazan veriore. Zyrtarët thanë se po synojnë të shkatërrojnë edhe rrjetin e tuneleve nën gaza, që militantët e hamasit e përdorin për të nisur sulmet.