Sizmologu grek, Akis Tselentis, i cili u citua nga Ilir Meta se kishte parashikuar një tërmet apokaliptik në Shqipëri, pas atij të Durrësit, ka “goditur” sërish duke alarmuar grekët. Ai tha se në orët në vijim një tërmet I madh pritet të godasë ishullin e Santorinit, që prej dy ditësh tashmë gjendet nën pushtetin e lëkundjeve të vazhdueshme sizmike. Në një postim në rrjetet socaile, ai deklaroi se zona sizmike po zgjerohet vazhdimisht në verilindje, ndërsa duket se është riaktivizuar thyerja e madhe e Amorgos, e cila shkaktoi tërmetin shkatërrues të vitit 1956. “Aktiviteti sizmik tregon karakteristikat e një sekuence paratërmeti, që do të thotë se sa më shumë kohë kalon pa ndodhur tërmeti kryesor, aq më e madhe është madhësia e tij|”, shkroi ai në Facebook ndërsa tha se cilësia e ndërtimeve nuk është e mirë dhe se dëmet do të jenë shkatrimtare në ishull duke I shkaktuar një gropë dhe ekonomisë së vendit që gjeneron të ardhura nga turizmi. Kjo nuk është hera e parë që Tselentis bën deklarata të tilla, më herët ai ka pretenduar se ka parashikuar tërmetin shkatërrimtar që goditi në kufi mes Turqisë dhe Sirisë. Ai gjithashtu është përballur me gjyqe në të kaluarën për përhapje paniku me deklaratat e tij.