Autoritetet kurde në sirinë verilindore, dorëzuan të dielën 34 fëmijë jetimë, prindërit e të cilëve dyshohet se i përkisnin grupit shteti islamik, një delegacioni rus, që do ti rikthejë tani ata në vend. Fëmijët, të moshës nga tre deri në 14 vjec, iu dorëzuan delegacionit të udhëhequr nga e dërguara e presidentit rus për të drejtat e fëmijëve, Anna Kuznetsova. Moska ka riatdhesuar deri më tani të paktën 169 fëmijë nga siria ndërkohë që pritet që edhe të tjerë fëmijë, nga të tjera kampe në siri, të riatdhesohen shpejt. Moska ka thënë edhe se po riatdheson fëmijët e braktisur në irak që nga rënia e kalifatit të xhihadistëve që shtrihej në të dyja shtetet arabe. Kurdët e sirisë kanë bërë apele të një pas njëshme për komunitetin ndërkombëtar, që të riatdhesohen shtetasit e huaj që mbahen në kampet në sirinë veri lindore. Por apelet e tyre kanë rënë kryesisht në vesh të shurdhër, me vetëm një numër të kufizuar shtetasish, kryesisht fëmijë, që janë lejuar deri më tani të kthehen në vendet e tyre.