Princesha e Uellsit, Kejt, tha se ishte në proces shërimi nga kanceri pasi ajo dhe bashkëshorti i saj Princi Ëilliam, vizituan spitalin e specializuar në Londër, ku ajo është trajtuar. “Është një lehtësim që tani jam në proces shërimi dhe unë mbetem e fokusuar në rikuperimin e plotë”, shkroi princesha në Instagram, nën një foto të vizitës së saj në Spitalin Royal Marsden. Çifti falënderoi stafin dhe takoi pacientë në qendrën e specializuar të kancerit. “Doja të përfitoja nga rasti për të falënderuar The Royal Marsden që u kujdes për mua kaq mirë gjatë vitit të kaluar”, shkroi Catherine në Instagram. “Falënderimet e mia të përzemërta shkojnë për të gjithë ata që kanë qëndruar në heshtje në krah të Uilliam-it dhe në krahun tim ndërsa ne kalonim këtë periudhë të vështirë. Nuk mund të kishim kërkuar më shumë. Kujdesi dhe këshillat që kemi marrë gjatë gjithë kohës kanë qenë të jashtëzakonshme," shtoi ajo. Vizita erdhi pasi Pallati Kensington njoftoi se çifti ishte ishte bërë patron të përbashkët të spitalit. Si patronë, anëtarët e familjes mbretërore mbështesin mbi 3000 organizata si bamirësi dhe spitale duke theksuar punën e tyre përmes vizitave. “Në rolin tim të ri si mbrojtëse e The Royal Marsden, shpresa ime është që duke mbështetur kërkimin novator dhe përsosmërinë klinike, si dhe duke promovuar mirëqenien e pacientit dhe familjes, ne mund të shpëtojmë shumë jetë të tjera dhe të transformojmë përvojën e të gjithë atyre që janë prekur nga kanceri”, tha princesha. Vizita ishte "tepër prekëse" për princeshën Kate, e cila mbushi 43 vjeç javën e kaluar. Mbretëresha e ardhshme, popullariteti i së cilës shihet si çelësi për ruajtjen e pozitës së familjes mbretërore në një Britani në ndryshim, zbuloi marsin e kaluar se ajo ishte diagnostikuar me kancer dhe po i nënshtrohej kimioterapisë. Diagnoza e Katerinës erdhi vetëm disa javë pasi Mbreti Charles III zbuloi se edhe ai po merrte trajtim për kancerin. Që atëherë të dy janë rikthyer në jetën publike, megjithëse aktiviteti i Katerinës ka qenë më i kufizuar.