Yuriy Romaniuk, kreu i organizatës joqeveritare “Ukraina në NATO”, tha se shefi i kompanisë së mercenarëve rusë Ëagner, Yevgeny Prigozhin, mund të dëshirojë fshehurazi të shohë një fitore të Ukrainës ndaj Rusisë. “Ka kaluar të paktën një vit që kur disa individë kanë shpërfillur transformimin e dukshëm të rolit dhe pozicionit të Prigozhin brenda peizazhit rus”, thotë Romaniuk për mediat e huaja. “Ai është shfaqur si një fortesë e pavarur brenda Kremlinit,…”, shton ai, duke nënvizuar se Prigozhin nuk i përgjigjet askujt përveç diktatorit rus Vladimir Putin, i cili ka ndikim të drejtpërdrejtë mbi të. Dhe Romaniuk vlerëson se gjatë gjashtë muajve të fundit, kreu i Ëagnerit, ka filluar të krijojë një karrierë të pavarur politike. “Prigozhin e nuhat se ditët dhe orët e mbetura të mbretërimit të Putinit kanë një fund, ndoshta jo shumë të largët dhe nuk ka dyshime për rezultatin. Ai e kupton se në Rusinë e re, që zakonisht quhet epoka e pasluftës, do t’i duhet të gjejë një mënyrë për të mbijetuar”. Për më tepër, eksperti deklaron se, në kundërshtim me retorikën e Prigozhin, fokusi i tij aktual mund të varet nga fitorja e Forcave të Armatosura të Ukrainës ndaj Rusisë. “E kjo, për shkak se vetëm me rënien dhe dështimin e plotë të Federatës Ruse dhe fitoren e Ukrainës, Prigozhin ka mundësinë që në mes të kaosit, të marrë pushtetin,” tha Romaniuk. Ai pohoi po ashtu se prigozhin gëzon më shumë se 30 për qind të mbështetjes në rusi. Ndërkohë, përplasja mes Prigozhin dhe ministrisë ruse të mbrojtjes mund të kulmojë më 1 korrik, kur edhe është afati i fundit që mercenarët të firmosin kontrata me ministrinë. Vetë prigozhin ka thënë më herët se nuk do të nënshkruante asnjë kontratë me dikasterin e drejtuar nga Shoigu.