Kryetari I Partisë Socialiste, Edi Rama prezantoi këtë të hënë platformën “deputeti që duam’, pjesë e të cilës u bënë 108 aplikantë. Në fjalën e mbajtur, ai tha se PS brenda vitit 2030 kërkon që të arrijë 1 milionë votues nga mbi 700 mijë që ka sot. Ambicia jonë është tanimë që votojnë të gjithë shqiptarët, edhe ata jashtë Shqipërisë, ne të synojmë që Partia Socialiste e 2030 të jetë partia e 1 milionë shqiptarëve aktiv, gjë që sigurisht do të kërkojë kohën e vet, por një gjë duhet të lexohet qartë, një rritje e fuqisë sonë përfaqësuese qysh në zgjedhjet e ardhshme. Ama midis 100 mijë anëtarëve dhe thuajse ose mbi 700 mijë zgjedhësve, që mos them thuajse 800 mijë ka një diference shumë të madhe dhe që këta njerëz që nuk janë të regjistruar në Partinë Socialiste janë njerëz që e mbështesin Partinë Socialiste, e besojnë Partinë Socialiste dhe duan suksesin në Partinë Socialiste dhe nëpërmjet suksesit të Partinë Socialiste kërkojnë suksesin e tyre.