“Një qytet për të gjithë”, është libri i ish-kryebashkiakut të Bogotas, Enrique Penalosa, I përkthyer në shqip, u prezantua në një event ku mori pjesë edhe kryebashkiaku I Tiranës, Erion Veliaj. Në fjalën e tij, Veliaj tha se Penalosa është një frymëzues për kryebashkiakët kudo në botë. Teksa u ndal te projekti i Bashkisë së Tiranës, në bashkëpunim me GIZ-in gjerman, për një sistem të ri të transportit urban në qytet. Veliaj tha se ekipi i Penalosas, do të angazhohet për të ndihmuar ekipin e Bashkisë së Tiranës në këtë projekt. “TransMilenio [sistemi i transportit në Bogota] ishtë një mënyrë shumë kreative për qytetet që nuk e përballojnë dot koston e një metroje. Ne kemi marrë grantin më të madh dhe kredinë më të madhe mes KfË dhe BE për të prodhuar versionin tonë të TransMilenio-s. Duke qenë se nuk jemi ende në kushtet financiare që të përballojmë një metro, - të cilën do ta përballojmë kur të jemi në BE dhe të kemi akses në financa më të mëdha, - na duhet një zgjidhje e ndërmjetme. Frymëzimi se si TransMilenio sot është kopjuar ose përshtatur nga 300 qytete, besoj se është një lajm i mirë për vendimmarrjen që kemi marrë, por edhe për faktin se një pjesë e ekipit të Penalosas do të na ndihmojnë në këtë drejtim në në Tiranë”, Penalosa ndodhet në Tiranë për prezantimin e librit të tij të përkthyer në gjuhën shqipe, në të cilin ai propozon se një qytet i drejtë dhe i barabartë ndërton integrimin social dhe legjitimitetin.