Apple ka lancuar iPhone 15, i mbushur me disa përmirësime nga versioni i fundit. Ceremonia e prezantimit u zhvillua të martën në selinë e Apple në Cupertino, Kaliforni. Kompania multimiliardere zbuloi pajisje të reja, duke përfshire telefonin e tyre të shumëpritur, iPhone 15. Përveç iPhone 15 Pro dhe 15 Pro Max, Apple prezantoi modelet më të reja të iPhone 15 dhe 15 Plus. Ata do të mbajnë të njëjtat çmime fillestare prej 799 dollarë dhe 899 dollarë si telefonat e vitit të kaluar dhe do të jenë në dispozicion në ngjyrat rozë, të verdhë, jeshile, blu dhe të zezë. Këtë vit, ndryshimi më i madh është porti i karikimit USB-C, duke zëvendësuar portën Lightning të Apple, i cili u prezantua në vitin 2012 si karikuesi i iPhone “për dekadën e ardhshme”. Një portë karikimi USB-C në iPhone do të përputhet me të njëjtën portë karikimi në telefonat Android, laptopë më të rinj, iPad, kufje me valë dhe pajisje të tjera.