Një 27-vjeçar ka rënë në prangat e policisë, pasi dyshohet për kryerjen e veprës penale “Shtrëngimi me anë të kanosjes, ose dhunës për dhënien e pasurisë ”. Bëhet fjalë për shtetasin Ajet Salla, i cili rezulton të jetë i përfshirë edhe në prostitucion. 27- vjeçari kishte të paktën 10 adresa në Instagram me emra vajzash. Në këto adresa i shkruanin meshkujt, ku Salla hiqej si punonjëse seksi. Pasi linte takimin në hotel, dërgonte një nga vajzat që punonin për të për t'u takuar me klientët. Arrestimi i këtij shtetasi është bërë i mundur nga Agjencia e Mbikëqyrjes Policore për Rajonin Tiranë, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë.