Deputetët mbështetës të Komisionit të Rithemelimit nuk do të jenë pjesë e mbledhjes së grupit parlamentar të thirrur nga Enkelejd Alibeaj. Vendimi është marrë gjatë një mbledhje të Komisionit të Rithemelimit, në përfundim të së cilës është bërë publik në rrjetet sociale nga Luçiano Boçi. Boçi në cilësin e nënkryetarit të grupit parlamentar e ka konsideruar si nul vendimin e Alibeaj, të shkarkuar tashmë nga Kuvendi Kombëtar i 30 prillit, teksa paralajmëron mbledhjen e Këshillit Kombëtar për qëndrimin që do mbajë PD për çështjen e Presidentit.