William Jefferson Clinton, lindi në 19 gusht 1946 në Hope, Arkansas. I ati vdiq para se ai të lindtte dhe nëna e tij u rimartua me një burrë, mbiemrin e të cilit mori Klinton. Ai studioi Cështje ndërkombëtare në universitetin e Georgetoënit në Universitetin e Uashingtontit dhe më pas kaloi dy vite në universitetin e Oxfordit. Në 1970-ën, Klinton u rikthye në SHBA për të vijuar studimet në drejtësi në universitetin e Yale-it. Ndërsa ishte në Jeil, ai u takua dhe u martua me Hillary Rodham. Në 1973 ai nisi të jepte mësim në universitetin e Arkansasit, fakulteti i drejtësisë, e më pas, dha dorëheqjen, për të kandiduar, ndonëse pa sukses, për në Kongres. Në 1976 ai fitoi postin e parë politik të tij pasi garoi për prokuror të përgjithshëm të Arkansasit. Dy vite më vonë, ai u bë guvernator i shtetit, por nuk mundi të rizgjidhej në 1980-ën. Ai kandidoi sërish, me sukses, në 1982, dhe shërbeu në post për një dekadë. Në 1992, ai u zgjodh kandidat demokrat për presidencën dhe fitoi duke mundur, presidentin e atëhershëm George Bush, i vjetër dhe kandidatin e pavarur Ross Perot. Mandati i parë i klintonit u lëkund pasi partua e tij humbi kontrollin e dhomës së përfaqësuesve dhe të senatit në 1994, në zgjedhjet e mesit të mandatit. Por, ai mundi të ngrihej, duke fituar madje me diferencë, një mandat të dytë, pasi mundi në 1996 republikanin Bob Dole, duke u bërë kështu i pari demokrat që rizgjidhej në detyrë që nga koha e Franklin Roosevelt në 1936.