Presidenti polak, Andrzej Duda ka kritikuar Komisionin Evropian për bllokim të fondeve të BE-së për vendin e tij, duke e konsideruar këtë si “një tentativë për të detyruar Poloninë që të ndryshojë” qeverisjen e saj. Ai tha se është i hapur për të negociuar për ndryshimet në sistemin e drejtësisë. Qeveria e mëparshme polake, e udhëhequr nga partia nacionaliste, Ligji dhe Drejtësi, është përfshirë në mosmarrëveshje me BE-në lidhur me reformat e Varshavës në sundimin e ligjit, cka edhe rezultoi në bllokim të fondeve të bllokut evropian në vlerë të miliarda euro. Qeveria e re pro BE-së është zotuar se do të clirojë këto fonde, duke përmirësuar fushën e sundimit të ligjit, ndonëse është duke hasur në rezistencën e mbështetësve dhe aleatëve të pushtetit të kaluar, përfshirë presidentin Duda dhe disa gjyqtarë të lartë. “Nuk kam asnjë dyshim se cila ka qenë arsyeja e bllokimit të parave nga Komisioni Evropian. Ka qenë veprim i pastër politik kundër autoriteteve të kaluara polake”, tha Duda në një konferencë për median në Vilnius.