Presidenti Ilir Meta dekoroi me urdhrin më të lartë të shtetit shqiptar ish-presidentin Bujar Nishani, që u nda nga jeta pak ditë më parë, teksa kurohej në një spital në Gjermani. “Në vlerësim të kontributeve të shquara në të gjitha detyrat e larta shtetërore, për forcimin e demokracisë dhe institucioneve, për integrimin euro-atlantik dhe evropian të vendit, për mbrojtjen dhe promovimin e interesave kombëtare. Në nderim të integritetit dhe dinjitetit të lartë njerëzor, si model i burrështetasit që punoi me përkushtim dhe përgjegjshmëri në shërbim të atdheut”. Për presidentin aktual Ilir Meta, Nishani ka qenë një prej atyre shtetarëve të pakompromis, një lider në drejtim dhe vendimmarrje. Ndërjkohë, qeveria përmes një vendimi të mesditës së kësaj të mërkure e shaplli 2 qershorin ‘Ditë zie kombëtare’, në nderim të ish-Presidentit të Republikës, njëherësh ish-ministër dhe ish deputet, Bujar Nishani. Gjithashtu qeveria mori përsipër të gjitha shpenzimet e varrimit dhe ceremonialin shtetërore, një vendim ky që u firmos nga numri dy i qeverisë, sepse kryeministri Rama ndodhet në Shtetet e bashkuara të Amerikës. Ky vendim i qeverisë, shoqërohet me detyrimin që në të gjitha institucionet shtetërore dhe publike, flamuri kombëtar do të ulet në gjysmështizë”.