Ish-presidenti i vendit Alfred Moisiu feston këtë të hënë 96-vjetorin e lindjes. Miq, të afërt, kolegë por dhe personalitete të shumta iu bashkuan urimeve në këtë ditë të shënuar për ish-kreun e Shtetit. Me një karrierë të gjatë në fushën ushtarake por dhe atë politike, Alfred Moisiu është një nga figurat më të rëndësishme në vend. Ai ka një kontribut të jashtëzakonshëm pasi krahas drejtimit të të Presidencës gjatë periudhës 2002-2007, mban mbi supe dhe një numër të madh artikujsh dhe studimesh shkencore në fushën e artit ushtarak por jo vetëm, ndërsa mban titullin shkencor “Doktor i Shkencave Ushtarake”. Po ashtu Alfred Moisiu ka luajtur një rol të madh dhe në sigurinë rajonale e sidomos çështjen e Kosovës. Në këtë ditë të shënuar për të edhe Top Neës iu bashkua urimeve të shumta për ish-kreun e shtetit.