Presidenca ka hedhur shortin për zgjedhjen e 9 anëtarëve të rinj të Këshillit të Emërimeve në Drejtësi, që do të ushtrojnë funksionin përgjatë vitit të ardhshëm. Shorti zgjodhi Fiona Papajorgjin dhe Marjana Seminin nga Gjykata Kushtetuese, Ilir Panda u zgjodh anëtar nga radhët e Gjykatës së Lartë, ndërsa nga Prokuroria e Përgjithshme Alfred Progonati. Ornela Naqellari dhe Ilirjana Olldashi u përzgjodhën mes kandidatëve nga gjykata e Apelit e Juridiksionit të Përgjithshëm dhe Altin Binaj e Afërdita Ndoji nga prokurorët e apelit. Klodiana Veizi ndërkohë u zgjodh nga radhët e gjykatave administrative. KED ka për kompetencë vlerësimin e kandidatëve për Inspektor të Lartë Drejtësie dhe për anëtarët e Gjykatës Kushtetuese. Në lidhje me Gjykatën Kushtetuese, KED e re pritet që të vlerësojë kandidatët për zëvendësimin e Elsa Toskës, e dorëhequr në shtator të vitit 2024.