Sali Berisha deklaron se aksionerët e kompanisë Geogenix BV, që zotëron inceneratorin e Tiranës kanë ardhur në Tiranë për të zhvilluar një takim me Kryeministri Edi Rama dhe kryebashkiakun, Erion Veliaj. Sipas Berishës, ata kërkojnë të sjellin 100 milionë euro në Shqipëri, këto para janë me burime të paqarta dhe se do të shfrytëzohen për të bërë investime të inceneratori i Tiranës. BERISHA - Unë ju kam njoftuar këtu në mënyrë të përsëritur për lidhjet e Erion Veliajt me Tosin dhe Alfredo Presecin. Ju kam njoftuar këtu lidhjet e Presecit me kompaninë e ish-komandantit të Pasdaranit, Gardës Revolucionare të Iranit. Kam paraqitur këtu disa fotografi, dokumente që faktonin këto lidhje. Ekziston një akuzë e hapur nga një anëtar i këtij grupi, Gabriele, i cili u mbajt këtu në burg disa muaj dhe u lirua pa asnjë akuzë, por me kusht që të mos kthehet më në Shqipëri se ai i dinte të gjitha këto zhvillime të brendshme të këtij grupi supermafioz. Ish-Kryeministri flet me më shumë detaje.