Udhëheqësi i Koresë së Veriut Kim Jong Un tha se do të përqendrohet në zgjerimin e arsenalit bërthamor të vendit të tij dhe se perspektivat për përmirësimin e marrëdhënieve me SHBA-në varen tërësisht nga qëndrimi i Uashingtonit, raportoi të enjten media shtetërore KCNA. Kongresi i Nëntë njëjavor i Partisë së Punëtorëve në Korenë e Veriut përfundoi me një paradë ushtarake në kryeqytetin Phenian të mërkurën, raportoi KCNA. "Statusi ndërkombëtar i kombit aziatik është rritur jashtëzakonisht shumë. Është vullneti i palëkundur i partisë sonë për të zgjeruar dhe forcuar më tej fuqinë tonë bërthamore kombëtare dhe për të ushtruar plotësisht statusin tonë si një shtet bërthamor", tha Kim Jong un, sipas KCNA. "Ne do të përqendrohemi në projekte për të rritur numrin e armëve bërthamore dhe për të zgjeruar mjetet operative bërthamore", shtoi ai. Koreja e Veriut ka mbledhur rreth 50 koka raketore, zotëron mjaftueshëm material për të prodhuar deri në 40 të tjera dhe po përshpejton prodhimin e materialit bërthamor, vlerësoi vitin e kaluar Instituti Ndërkombëtar i Kërkimeve për Paqen në Stokholm SIPRI.