Për ministrin e jashtëm gjerman, Heiko Maas, ideja e prekjes së kufijve në ballkan është e rrezikshme dhe jo realiste. Ai e bëri deklaratën në prishtinë, ku ai mbërriti në kuadër të një vizite që do ta cojë më pas edhe në beograd, në përpjekje për të nxitur palët të rifillojnë bisedimet për normalizimin e marrëdhënieve mes tyre. Ministri i jashtëm gjerman, Heiko Maas, tha në Prishtinë se idetë e hedhura kohëve të fundit që çështjet sociale dhe politike në Ballkan mund të zgjidhen me vizatim të vijave në harta, janë jo vetëm jo realiste por edhe tejet të rrezikshme. Ai i bëri këto komente gjatë vizitës së tij në Kosovë, prej nga do të shkojë më pas në Serbi në një përpjekje për të nxitur palët që të rifillojnë procesin e bisedimeve për normalizimin e marrëdhënieve ndërmjet tyre. “Ne i konsiderojmë të rrezikshme edhe diskutimet që bëhen rreth tyre prandaj jam i lumtur që përpjekja e fundit në këtë drejtim, pavarësisht se nga kush u hap, shpejt të mbyllet në sirtarë dhe shpresojmë që të jetë një dosje e së kaluarës. Unë nuk e di nëse ka përpjekje të tilla. Fakti që gjithë kohën është folur për një ‘non-paper’ besoj se është edhe shprehja e duhur dhe duhet mbetur një ‘non paper’. Idetë për prekje kufijsh qeveria gjermane i refuzon në mënyrë të theksuar sepse një zgjidhje e tillë nuk do të çonte në atë që konfliktet të zgjidhen por të ashpërsohen. Osmani ndërkohë tha se çështja e dokumentit të pretenduar është diskutuar edhe me autoritetet e Sllovenisë.