Moti i keq dhe temperaturat e ulta, janë rikthyer sërish në vend, ku vec dëmve materiale të shkaktura, përkeqsimi i motit shkaktoi një aksident në aksin rrugor Elbasan-Librazhd, në vendin e quajtur Kthesat e Murrashit. Një mjet tip furgon u përplas me 2 mjete tip kamionë e për pasojë mbeti i plagosur drejtuesi i furgonit. Sa i pëket dëmeve materiale, pasditen e kësaj te enjte erërat e forta me shpejtësi deri në 50 km/h kanë shkaktuar dëme të rënda në Fier. Raportohet se era e fortë ka shkulur konstruksionin metalik të tribunës së stadiumit të Fierit. Fatmirësisht nuk raportohet për të lënduar, por vetëm për dëme materiale. Probleme janë hasur edhe në zonat Patos, Roskovec e Mallakaster. Edhe baza strukturore e kalçetos në Orikum, është shembur nga era e fortë, fatmirërisht pa të lënduar.