Bota, me shumë gjasa, ka kaluar shkurtin më të nxehtë të regjistruar ndonjëherë, ndërsa një pranverë e parakohshme në dukje bëri që lulet të celin herët nga japonia në meksikë dhe pistat e skive të mbeteshin pa borë në evropë. Ndërkohë në teksas temperatura në shkurt arriti në 38 gradë celcius. E ndërsa të dhënat nuk janë finalizuar ende, tre shkencëtarë thanë për agjencinë e lajmeve Reuters, se shkurti i këtij viti do të shënojë temperaturën më të lartë mesatare globale të regjistruar ndonjëherë për këtë muaj, falë ndryshimeve të klimës dhe ngrohjes së oqeanit paqësor nga fenomeni El Ninjo.