Një 32-vjeçar u arrestua nga policia në Vlorë pasi po qarkullonte I armatosur. Aksioni I koduar “Siguria” u zhvillua pas informacioneve të siguruara në rrugë operative nga ana e agjentëve. I riu nga fshati Peshkëpi u kap në lagjen Lef Sallata. Gjatë kontrollit të ushtruar në automjetin tip Audi, me të cilin ai qarkullonte, efektivët gjetën dhe sekuestruan, në cilësinë e provës materiale, një armë zjarri pistoletë, 2 krehra me 22 fishekë luftarakë, një mbajtëse plastike me 18 fishekë luftarakë, si dhe një radio të ngjashme me ato që përdor Policia e Shtetit. Materialet procedurale iu referuan Prokurorisë, për veprime të mëtejshme. 32-vjeçari akuzohet për veprat penale të armbajtjes pa leje dhe mbajtjes pa të drejtë të uniformës.