Kina dhe Filipinet kanë akuzuar njëra-tjetrën se kanë përplasur anijet e rojes bregdetare në një zonë të diskutueshme të Detit të Kinës Jugore. Autoritetet filipineze pretendojnë se aniaj e rojes bregdetare kineze "u përplas drejtpërdrejt dhe qëllimisht" ndërsa Pekini e ka cilësuar rastin si flagrant ndërsa ka fajësuar me të njëjtin pretendim shtetin ishullor. Përplasja e së shtunës pranë Sabina Shoal është rasti më I fundit që tregon përshkallëzimin e tensioneve mes dy vendeve. Brenda dy javëve të fundit, ka pasur të paktën tre incidente të tjera në të njëjtën zonë ku përfshihen anije që u përkasin të dy vendeve. Deti i Kinës Jugore është një rrugë kryesore detare përmes së cilës kalojën anijet tregtare. Vlera e mallrave që kalon në këtë hapësirë I kalon 3 trilion dollar gjatë nëj viti. Pekini pretendon të gjithë hapësirën detare përfshirë dhe pjesët që I përkasin Filipineve, Malajzisë, Tajvanit dhe Vietnamit. Pas përplasjes së fundit, roja bregdetare e Kinës u bëri thirrje Filipineve që të tërhiqen nga Sabina Shoal ndërsa u zotua se "do t[u kundërpërgjigjet me vendosmëri të gjitha akteve të provokimit". Ndërkohë roja bregdetare e Filipineve tha se nuk do të lëvizte anijen e saj - Teresa Magbanua - "megjithë ngacmimet, dhe veprimet përshkallëzuese të rojes bregdetare kineze". Nga përplasja mes dy anijeve nuk pati të lënduar por vetëm dëme materiale. Ambasadorja e SHBA në Filipine, MaryKay L Carlson, kritikoi Pekinin ndërsa i quajti veprimet e Kinës si të rrezikshme. "SHBA dënon shkeljet e shumta të rrezikshme të ligjit ndërkombëtar nga [Republika Popullore e Kinës], duke përfshirë sulmin e sotëm të qëllimshëm të anijes Teresa Magbanua ndërsa po kryente operacione të ligjshme brenda [Filipineve]" Shkroi ajo në një postim për X. Ndërkohë Kina nga ana tjetër fajësoi në mënyrë të përsëritur Filipinet dhe aleatin e saj SHBA-në për përshkallëzimin e tensioneve.