Kryeministri tashmë i dorëhequr i Britanisë së Madhe, Boris Johnson, me gjasë nuk do të zhduket nga sytë e publikut pasi ai të lërë Daëning Street në vjeshtë. Emri i tij po përflitet tani për një post po aq prestigjioz, ndoshta edhe më shumë...atë të shefit të ri të NATO-s. Lajmi vjen në një kohë kur konservatorët janë përfshirë në ethet e zgjedhjes së pasuesit të Boris Johnson dhe madje kanë nisur edhe një fushatë thirrjesh ndaj tij, për të ndaluar inkurajimin e fantazive Trampiste, për të qëndruar në pushtet, pas deklaratave të disa miqve të tij se mbajtja e postit të kryeministrit është kthyer në obsesion për të. Tani zërat thonë se Johnson mund të zëvendësojë Jens Stoltenberg si sekretar i përgjithshëm i aleancës perëndimore të mbrojtjes, kur ai të japë dorëheqjen në shtator të vitit të ardhshëm. Mandanti i Stoltenberg në fakt ka përfunduar por aleanca vendosi ta shtynte atë për shkak të situatës në të cilën ndodhet bota sot. Posti i lartë mund të jetë tërheqës për Johnson, por ai do të duhej të hiqte dorë më parë nga mandati i deputetit për ta marrë atë. Sidoqoftë, ka ende një vit kohë për të vendosur.