Zjarret vdekjeprurëse që kanë përfshirë Portugalinë detyruan shumë njerëz të largohen nga shtëpitë e tyre ndërsa emergjencat luftuan me dhjetëra zjarre të mërkurën në veri të vendit. Nxehtësia mbytëse dhe erërat e forta gjatë fundjavës nxitën një valë zjarresh në pyje në veri dhe në qendër të vendit që kanë lënë pesë persona të vdekur, duke përfshirë tre zjarrfikës dhe një vullnetar. Edhe pse u raportua për shtatë viktima, kreu i shërbimit të mbrojtjes civile Andre Fernandes tha se vdekja e dy të tjerëve kishte ardhur nga ataku në zemër nuk mund t'i atribuohej drejtpërdrejt zjarrit. “Situata meteorologjike është ende shumë e pafavorshme dhe nuk presim një ulje të ndjeshme të rrezikut të zjarreve në pyje gjatë 48 orëve të ardhshme”, shtoi ai. Zyrtarët thonë se 59 persona të tjerë janë lënduar nga zjarret, 10 prej tyre në gjendje të rëndë.