Ky ishte reagimi i kryeministrit Edi Rama, pas shqetësimeve të ngritura nga përfaqësues të Dhomës Amerikane të Tregtisë në Shqipëri, të cilët argumentonin se projekti aktual i Porto Romanos nuk përmbush pritshmëritë e Korridorit të tetë. Sipas Ramës, plani strategjik për ndërtimin e Porto Romanos ka krijuar xhelozi. Rama: “Dhe duhet të them këtu dy fjalë për Porto Romanon, është një nga proceset më të ndërlikuar, ndoshta më i ndërlikuar që ne kemi bërë. Është një plan strategjik që ka krijuar edhe xhelozi. Xhelozitë janë të zakonshme mes vendesh që janë në stade të caktuara zhvillimi. Një proces shumë i sofistikuar me projektin e studios më të madhe në botë dhe me reputacionin më absolut në botë për ndërtimin e infrastrukturës dhe sidomos të asaj portuale e Royal Haskoning nga Hollanda. Një garë e jashtëzakonshme me pjesëmarrje nga të gjitha anët, por e monitoruar nga A-ja te Zh-ja nga konsulenti Royal Haskoning përsëri dhe armiqësi ndaj projektit.”