Një 37-vjeçar ka rënë në prangat e policisë, i akuzuar për veprën penale “pornografi me të mitur në rrjetet sociale”. Policia bën me dije se ai u arrestua në kuadër të finalizimit të operacionit “zbulimi”, pas dy vitesh hetime. Sipas policisë, dyshimet nisën pasi I.K, banues në Tiranë, kishte krijuar një profil në një rrjet social, me të dhëna të rreme. Gjatë komunikimit me shtetas të huaj, nëpërmjet këtij rrjeti social, ky shtetas ka konsumuar elemente të kësaj vepre penale. Ndërkohë po punohet për zbardhjen e plotë të këtij aktiviteti kriminal. Policia ka apeluar prindërit që të ushtrojnë më shuam kontroll ndaj fëmijëve, gjatë përdorimit të rrjeteve sociale, si dhe të denoncojnë çdo rast abuzimi apo ngacmimi. Në njoftimin për shtyp, Policia thotë se dyshimet u ngritën nga njësia policore me kodin C, që merret me hetimin e krimeve Kibernetike në Departamentin e Policisë Kriminale. Pas një hetimi dyvjeçar duke vlerësuar maksimalisht situatën kriminale të krijuar, Njësia për Hetimin e Krimeve Kibernetike ka kryer hetime të plota në lidhje me informacionin e marrë nga partnerët ndërkombëtarë për veprën penale “Pornografia” në rrjet, me të mitur. Pas kryerjes së hetimeve, Njësia C - Hetimi i Krimeve Kibernetike, në bashkëpunim me Prokurorinë e Rrethit Gjyqësor Tiranë ka ekzekutuar urdhrin e ndalimit të Prokurorisë së Shkallës së Parë të Rrethit Gjyqësor Tiranë për shtetasin I. K., 37 vjeç. Materiali hetimor i ndjekur nga Njësia C kishte të bënte me dyshime të arsyeshme se ky shtetas kishte krijuar një profil në një rrjet social, me të dhëna të rreme. Gjatë komunikimit me shtetas të huaj, nëpërmjet këtij rrjeti social, ky shtetas ka konsumuar elemente të kësaj vepre penale. Në cilësinë e provës materiale u sekuestrua një aparat celular. Ndërkohë po punohet për zbardhjen e plotë të këtij aktiviteti kriminal.