Një burrë nga kina u ngjit mbi një shtyllë elektrike, për të bërë atje pompa, duke shokuar kalimtarët e rastit e madje duke i ndërprerë energjinë elektrike mijëra shtëpive. Personi, emri i të cilit nuk u bë i ditur, u mor nga policia pas veprimeve të tij për tu dërguar në rajon. Mediat kineze, publikuan një video që tregonte burrin në majë të shtyllës. Kompania lokale energjitike, kishte ndërprerë menjëherë energjinë kur ai ishte ngjitur mbi shtyllë, duke prekur dhjetëra e mijëra shtëpi. Shërbimet e emergjencave, përfshirë personelin mjekësor, mbërritën menjëherë në vendngjarje. Nuk ishte menjëherë e qartë përse burri vendosi të bënte pompa në majë të shtyllës, por mediat kineze paralajmëruan që asnjë të mos përpiqej ta kopjonte atë. Incidenti ishte temë e nxehtë në mediat sociale me miliona klikime të videos në rrjet.