Vendosja e një batalioni me tanke polake afër kufirit me bjellorusinë është një hap tjetër drejt përshkallëzimit, tha të hënën zëdhënësi i kremlinit, Dmitry Peskov. Ministria polake e mbrojtjes ka pohuar se ka vendosur edhe një batalion tjetër me tanke në lindje të vendit/ “Sigurisht që ky është një hap tjetër drejt përshkallëzimit të tensioneve dhe asgjë më shumë. Në këtë rast, miqtë tanë bjellorusë dijnë cfrarë duhet bërë. në përgjithësi, ata bëjnë gjithcka që është e nevojshme për të garantuar sigurinë”, tha zëdhënësi i kremlinit për gazetarët. Polonia, përvecse një mbështetëse e madhe e ukrainës në konflikt, është edhe një nga vendet që i ka ndjerë më shumë pasojat e luftës. Miliona ukrainas janë vendosur atje, pas pushtimit të nisur në shkurtin e vitit të kaluar ndërsa ka patur edhe incidente me raketa që gabimisht kanë rënë në territor polak. Kur mercenarët e Vagnerit u vendosën në bjellorusi, pas tentativës së dështuar të tyre për marshim drejt moskës, polonia shprehu shqetësim dhe përforcoi sigurinë në kufi. Ndërkohë presidenti i polonisë, Andrzej Duda, tha që në shtator se vendi anëtar i natos planifikon të shpenzojë më shumë se katër përqind të produktit të tij të brendshëm, vitin e ardhshëm, për sigurinë, kjo në mesin e shqetësimeve për luftën në ukrainën fqinje. Ai njoftoi se 33 miliardë dollarë nga buxheti i vitit të ardhshëm do të shkonin për pajisje ushtarake. “Kur ne shohim rrezikun në kufijtë tanë lindorë, e dimë shumë mirë se cdo cmim duhet paguar që polonia të jetë e lirë, sovrane dhe e pavarur dhe që polakët të jetojnë në siguri, dhe këtë na e ka mësuar historia – tha Duda.