Polonia mund të dërgojë tanket Leopard edhe pa autorizim – tha një zëdhënës i qeverisë gjermane duke shtuar sidoqoftë se nuk ka informacione për një kërkesë zyrtare. Gjermania, zotëron licencën e eksportit për tanket e betejës Leopard ndaj zyrtarisht duhet autorizimi i saj nëse vende të tjera duan ti cojnë diku ata. Komentet e zëdhënësit, këtë të premte, sidoqoftë, pasojnë ato të kryeministrit polak i cili tha një ditë më parë se vendi i tij mund ti dërgojë tanket e shumëkërkuara nga Kievi, me apo pa lejen e gjermanisë. “Leja gjermane është një cështje e dorës së dytë në këtë mes...ne do ta marrim atë ose do të bëjmë vetë atë që nevojitet”, tha Moravicki, ‘Më e rëndësishmja është që gjermania, por jo vetëm ajo, të ofrojë tanket moderne, armët moderne, sepse aftësia e ukrainës për të mbrojtur lirinë e saj mund të varet nga kjo”, përfundoi ai. Edhe zëvendësministri i jashtëm polak, Pavel Jablonski, konfirmoi ndërkohë se polonia ëhstë e gatshme për veprime jo standarte në rast se gjermania do të kundërshtojë dërgimin e tankeve në ukrainë. “Unë mendoj se nëse do të ketë rezistencë të fortë, ne do të jemi gati të ndërmarrim edhe veprime jo standarte të tilla, por duhet të presim edhe pak...” – tha ai.