Në fund të gushtit, në poloni, trenat u ndalën. U dëgjua një sinjal dhe më pas një thirrje: Për fitoren! Dukej si zëri i presidentit rus, Vladimir Putin. Më pas himni rus. Drejtuesit e lokomotivave në Shzecin, të Polonisë, e dëgjuan këtë sinjal dhe menjëherë pas kësaj erdhi një ndalesë emergjence. Më shumë se 20 trena u ndalën. Trafiku i trenave të mallrave u ndërpre përkohësisht. Shërbimi Informativ Polak, ABË është duke hetuar, dhe sekretari i shtetit i kryeministrit polak tha se asnjë skenar nuk përjashtohet. Sipas tij, incidenti duhet zbardhur edhe për shkak të rrezikut aktual ndaj shtetit polak. Kërcënimi për hekurudhën polake erdhi nga një transmentues i thjeshtë i valëve të shkurtra. Jo ndonjë vepër e përkryer teknikisht, konstatuan ekspertët. Por himni rus bën që të gjithë të mendojnë për akt sabotazhi. Pak më vonë u arrestuan dy persona që duhet të kenë dërguar sinjalin e ndalimit emergjent - një nga të dyshuarit, një polic polak. Polonia si vend tranzit i transportit të armëve për Ukrainën duket se është në fokus të shërbimeve sekrete ruse. Që në mars të këtij viti autoritetet zbuluan një grup spiunazhi. Dhe rregullisht arrestohen anëtarë të rinj të grupit. Në fund të gushtit ishin 16 të arrestuar gjithsej për spiunazh. Prokuroria i akuzon ata për "kryerjen e spiunazhit për Rusinë dhe si pjesëtarë të një grupi kriminal", ka deklaruar Mariusz Kaminski, ministri i Brendshëm polak pas arrestimeve të para. Sipas zyrtarëve, polonia është nëns ulme hibride, pa pushim dhe kërcënimi nuk vjen vetëm nga Kremlini por edhe nga Bjellorusia.