Presidenti i Bjellorusisë, Alexander Lukashenko, duke folur të premten në fjalimin e tij vjetor para ligjvënësve dhe zyrtarëve të qeverisë, tha se kishte avancuar negociatat me Rusinë për vendosjen e armëve bërthamore në vend, veprim që e justifikoi si një mbrojtje ndaj pushtimit të mundshëm polak. "Besojini fjalës time për këtë, pasi unë nuk ju kam gënjyer kurrë. Polonia po përgatitet të pushtojnë Bjellorusinë, për të shkatërruar vendin tonë," tha Lukashenko para deputetëve bjellorusë. Presidenti rus Vladimir Putin njoftoi një javë më parë se do të vendosen në Bjellorusi disa armë bërthamore taktike, çka do të ishte dislokimi I parë i huaj, ia armëve bërthamore, që nga rënia e Bashkimit Sovjetik më 1991-shin. Deklarata e Lukashenkos konfirmon gatishmërinë e tij për të rënë dakord me Putinin për vendosjen e armëve bërthamore strategjike në tokën bjelloruse, teksa mediet zbulojnë se bëhet fjalë për sisteme të fuqishme, të afta për të shkatërruar qytete të tëra nga një distancë prej një mijë kilometrash. Bjellorusia tha këtë javë se armët taktike bërthamore të Rusisë do ta mbrojnë atë pas asaj që e quajti një "fushatë presioni" nga SHBA dhe aleatët e saj për të rrëzuar Lukashenkon, i cili mban pushtetin në vend prej 3 dekadash. Pamjet: AFP