Polonia nuk do të ketë zgjedhje tjetër, përvecse të hyjë në luftë në Ukrainë, nëse vendi i përfshirë nga lufta nuk do të mundet të mbrojë veten, paralajmëroi ambasadori polak në Francë. Jan Emeryk Rościszeëski tha se polonia mund të hyjë në luftë nëse ukraina dështon të mbrojë veten kundër rusisë, sepse bazat e civilizimit dhe kulturës do të kërcënoheshin. Rościszeëski i bëri deklaratat në një intervistë me kanalin televiziv francez LCI. “Nuk është NATO, Polonia apo Sllovakia që po rrisin presionin, por Rusia, e cila ka pushtuar Ukrainën”, tha ai. “Rusia që po pushton territore ukrainase. Rusia që po vret njerëz. Dhe Rusia që ka rrëmbyer fëmijë ukrainas”, shtoi ai. Për këtë arsye, sipas ambasadorit polak, Ukraina duhet të mbrojë pavarësinë e saj tani ose ne duhet të hyjmë në këtë konflikt, për shkak të vlerave tona themelore, bazës së civilizimit dhe kulturës sonë që është nën kërcënim. Ne nuk do të kemi zgjidhje tjetër...”.