Refuzimi i Varshavës për të lejuar ministrin e jashtëm rus Sergei Lavrov që të marrë pjesë në një takim muajin e ardhshëm të Organizatës për Siguri dhe Bashkëpunim në Evropëm, Rusia e cilsësoi si të pashembullt dhe provokues. "Vendimi nga Polonia, e cila është kryesuesja në detyrë e OSBE-së, për të refuzuar pjesëmarrjen e Ministrit të Punëve të Jashtme Sergei Lavrov në takimin ministror të OSBE-së në Lodz më 1-2 dhjetor është i paprecedentë dhe provokues," tha Ministria e Jashtme ruse. "Jo vetëm që Varshava diskreditoi veten, por gjithashtu shkaktoi dëme të pariparueshme në besueshmërinë e organizatës në tërësi," shtoi ministria. Polonia tha të premten se nuk do ta lejonte Lavrovin të merrte pjesë në takim, kjo për shkak të sansioneve të vendosura nga Europa. "Delegacionet duhet të përshtaten me rregulloret aktuale të BE-së dhe të mos përfshijnë persona që janë të sanksionuar nga Bashkimi Evropian," tha kryesia polake e OSBE-së në një deklaratë. "Me vendime të tilla shkatërruese, polakët... po e shtyjnë OSBE-në në humnerë," u përgjigj Ministria e Jashtme ruse. Ministria akuzoi se organi i sigurisë po shndërrohej në "një platformë për shfaqje politike dhe ushtrime anti-ruse". Në mungesë të Lavror, delegacioni rus do të udhëhiqet nga përfaqësuesi i përhershëm i Rusisë në OSBE, Aleksandër Lukasheviç.