Një incident është regjistruar së fundmi me kancelarin gjerman, Olaf Scholz. Por fatmirësisht, kaloi pa pasoja. Sidoqoftë, disa raste të tjera ndër vite kanë qenë me të vërtetë të rrezikshëm. Në Gjermani, sipas Deutsche Ëelle, përgjegjës për mbrojtjen e politikanëve është zyra federale e policisë kriminale. Politikanët e rangut të lartë, sic është kancelari Scholz, gjithnjë shoqërohen nga truproja. Por, këta të fundit, nuk mund të parandalojnë cdo afrim të paplanifikuar të ndonjë personi. Dëshmi e qartë për këtë është një incident në aeroportin e Frakfurtit, kur një person, pavarësisht truprojave, iu afrua kancelarit dhe e përqafoi atë. Sipas zëdhënësit të tij, Scholz "nuk është ndjerë i kërcënuar në asnjë moment”. Por edhe ai pranoi se ka mundur të ndodhë diçka e keqe. Në historinë më të re të Gjermanisë, ka pasur dy sulme ndaj politikanëve të njohur federalë me pasoja të rënda: në vitin 1990, pas një tubimi elektoral, një i sëmurë mendor qëlloi ministrin e atëhershëm të Punëve të Brendshme, Ëolfgang Schäuble, në një restorant në Oppenau. Ai pësoi lëndime të rënda dhe që atëherë ka mbetur invalid, në karrocë.