Presidenti i Republikës, Bajram Begaj uroi nga Meka të gjithë besimtarët myslimaë në ditën e shenjtë të Kurban Bajramit, ditën e sakrificës, përkushtimit ndaj Zotit dhe solidaritetit me njëri-tjetrin. “Festa si Kurban Bajrami na rikujtojnë vlerat që i kemi mbajtur gjallë ndër shekuj: besimin, familjen, mikpritjen dhe respektin për njëri-tjetrin. Jam veçanërisht i nderuar që këtë festë ta pres në Mbretërinë e Arabisë Saudite me ftesë të Mbretit Salman bin Abdulaziz Al Saud, në vendin ku miliona besimtarë nga e gjithë bota bashkohen në lutje, përulësi dhe paqe. Gëzuar Kurban Bajramin! Zoti sjelltë paqe, mirësi dhe begati në çdo vatër shqiptare!” – shkruan kreu i shtetit, Bajram Begaj. Kryeministri Edi Rama uroi të gjithë besimtarët myslimanë me pamje nga hedhja e fishekzjarreve në xhaminë e Namazgjasë.